Dikt - Ordsølv

Ho vil vere som bølgjene

ho vil vere som bølgjene

lage sin eigen symfoni

ein konsert av brusande, boblande, drypande tonar

danse fritt mellom steinar og berg, roe ned og stilne

før ho let seg føre med i neste sats

ikkje gi opp om ho hamnar i bakevja

og om malstraumen pressar ho ned

vil ho trekkje seg roleg tilbake

samle krefter

før ho fossar fram i crescendo

Eg drøymer om å få velgje orda sjølv

Eg vil ikkje ha dei som

Fortel om vondskap, naud og feil bruk av makt

Eg vil ikkje ha orda som skildrar urettferd, svik,

svolt og misbruk

Dei som brutalt fortel deg om det som skjer

Der ute

Eg vil ha orda som

Løyser opp knutar i brystet, varmar hjartet og

Let lungene fylle seg med rein, frisk luft

Eg vil ha orda som elskar, er glad i, held av

Som forstår , støttar og er til stades

Det er desse eg treng

For å tole

at dei andre orda stadig vert fleire, skarpare,

mørkare og blodigare

Eg treng fleire

ord som gir håp

Her kjem Ordsølv på rad og rekke etter kvart.

Embark on extraordinary adventures with our tailored travel experiences, designed for your enjoyment.